नेपाल प्रशासन सेवा, लेखा समूह तथा राजश्व समूह र नेपाल लेखापरीक्षण सेवाका राजपत्राङ्कित द्धितीय श्रेणीका अधिकृत कर्मचारीहरूलाई लक्षित गरी यो सेवा कालिन तालिम सञ्चालन गरिएको हो । तालिममा सार्वजनिक वित्त व्वस्थापन, अर्थतन्त्र र विकास व्यवस्थापन, शासन र सेवा प्रवाह, स्व-दक्षता र नेतृत्व विकास तथा विविध मोड्यूल अन्तर्गतका विभिन्न बिषयहरूमा ३५ कार्य दिन प्रशिक्षण कार्य सञ्चालन हुनेछ । साथै, प्रशिक्षार्थीहरूले तालिम अविधमा सार्वजनिक वित्त व्यवस्थाप, विकास, सेवा प्रवाह लगायतका सार्वजनिक व्यवस्थापनका कुनै बिषयमा एक मामिला अध्ययन गरी प्रतिवेदन पेश गर्ने एवं सो को प्रस्तुति गर्नु पर्नेछ । प्रशिक्षण गरिने मोड्यूलहरू अन्तर्गतबाट लिईने १०० पूर्णाङ्कको लिखित परीक्षा तथा मामिला प्रतिवेदन तथा प्रस्तुतिकरणको मूल्याङ्कनको आधारमा प्रशिक्षार्थीहरूलाई श्रेणी खुलेको तालिम सम्पन्नताको प्रमाण-पत्र उपलब्ध गराईने छ ।

यस तालिममा सबै प्रशिक्षार्थीहरूलाई सार्वजनिक वित्त व्यवस्थापन तालिम केन्द्र हार्दिक स्वागत गर्दछ ।